Ngjarje tronditëse/ Ambjentet e fabrikës ishin dezinfektuar me helm për minjtë, helmimi i punonjëseve,
Ora News zbardh detaje të reja nga helmimi i punjëseve të një firme në autostradën Durrës-Tiranë.
Shkak dyshohet se ka qenë dezinfektimi i ambjenteve të punës me helm kundër minjve mosajrosja e tyre.
“Një orë pas mesditës është konstatuar se në urgjencën e spitalit rajonal të Durrësit janë paraqitur disa gra që kishin shqetësime dhe shenja helmimi si dhimbje stomaku, kollë, të vjella dhe këputje.
Kanë marrë ndihmë mjekësore. Ato kanë treguar se punojnë në një kompani në autostradën Durrës-Tiranë për llogari të një kompani gjermane me prodhimin kabujve për automnjete.
Gjatë natës atje është bërë një dezinfektim me helm kundër minjve dhe punonjësit nuk ishin informuar.Sipas të dëmtuarve këto simptoma i kishin 25 gra të një reparti, ndërsa në spital janë paraqitur vetëm 5 prej tyre” raporton gazetari Mark Brunga.
