Ngjarje e rëndë! Tetë fëmijë humbën jetën kur një automjet pasagjerësh u përmbys në një kanal…

Viktimat ishin mes gjithsej 12 pasagjerëve në aksidentin fatal dhe po ktheheshin nga puna në një fabrikë në Beheira, në veri të Kajros. Katër nga pasagjerët u shpëtuan.

Tetë fëmijë mbetën të vrarë dje, të shtunën, kur një automjet me pasagjerë u përmbys dhe përfundoi në një kanal vaditës në provincën Beheira në Egjipt, pranë deltës së Nilit.

Sipas Protothemës, viktimat ishin mes gjithsej 12 pasagjerëve në aksidentin fatal dhe po ktheheshin nga puna në një fabrikë në Beheira, në veri të Kajros. Katër nga pasagjerët u shpëtuan.

Sipas prokurorisë egjiptiane, u arrestua dhe u mor në pyetje shoferi 19-vjeçar, i cili akuzohet për vrasje nga pakujdesia dhe drejtimin e një automjeti në gjendje të dehur, pa pasur as patentë. Po hetohet edhe përfshirja e tij në një qark që detyron fëmijët të punojnë.