Faktoret qe po ndikojne ne uljen e aktivitetit s*ksual…

Prej disa vitesh studiuesit kanë vënë në dukje një tendencë shqetësuese, veçanërisht tek më të rinjtë: uljen e aktivitetit seksual në të gjitha format e tij. Një studim i botuar në Arkivat e Sjelljes Seksuale e hetoi më tej këtë fenomen, duke analizuar dy grupe me më shumë se 4000 amerikanë të moshës 14 deri në 49 vjeç midis 2009 dhe 2018: përqindja e adoleshentëve që nuk raportuan asnjë aktivitet seksual u rrit nga 28.8% në 44.2% për djemtë dhe nga 49.5% në 74% për vajzat. Revista Scientific American kontaktoi dy autorë të studimit për të zbuluar më shumë dhe cilët faktorë janë përgjegjës për këtë prirje.

FAKTORËT E MUNDSHËM. “Nuk mund të themi me siguri se cilët janë faktorët që qëndrojnë pas kësaj rënieje të përgjithësuar të aktivitetit seksual”, thekson Tsung-chieh Fu. “Tek të rinjtë, rritja e përdorimit të rrjeteve sociale dhe video-lojërave, aktivitete që i marrin kohë seksit, mund të luajnë një rol të rëndësishëm”.

Studime të tjera kanë dhënë shpjegime të ndryshme për rënien e përgjithshme të aktivitetit seksual, të tilla si rënia e konsumit të alkoolit – e lidhur zakonisht me një çlirim të frenimeve – dhe rënia e pagave. Studimi i Herbenick dhe Fu zbuloi gjithashtu një rritje, megjithëse minimale, në përdorimin e lodrave të seksit.

DHUNA E (PA) DËSHIRUAR. Sipas Debby Herbenick, koordinatore e studimit, një tjetër faktor përcaktues mund të jetë shtimi i seksit të ashpër, një praktikë që e sheh dhunën (konsensuale) si pjesë përbërëse të marrëdhënieve seksuale. “Veçanërisht te moshat 18-29 vjeç, seksi i ashpër është një praktikë e zakonshme: mbytje, goditje… të gjitha janë pjesë e lojës”, shpjegon Herbenick. Por nëse për shumë është konsensuale dhe e dëshiruar, për po aq mund të përfaqësojë një pengesë për aktivitetin seksual: “Një person mund të dëshirojë të bëjë seks, por të ketë frikë se mos përfshihet në praktika të padëshiruara”, shpjegon eksperti.

COVID. Edhe pse studimi mbulon periudhën para pandemisë, dy autorët bien dakord se Covid ka ndikuar në aktivitetin seksual të njerëzve. Nëse është e vërtetë që puna nga shtëpia dhe karantina i kanë ndihmuar partnerët të kalojnë më shumë kohë së bashku, kjo nuk është përkthyer gjithmonë në më shumë seks, përkundrazi: prindërve, për shembull, u është dashur të merren me praninë e fëmijëve të tyre në shtëpi 24 orë në ditë; partnerët e largët nuk mund ta shihnin njëri-tjetrin për shumë muaj; për të mos përmendur se gjithnjë e më shumë njerëz të të gjitha moshave duhet të përballen me ankthin dhe depresionin.

FJALA KYÇ: DIALOGU. Këshilla kryesore e dy ekspertëve është të bisedoni. “Prindërit duhet të flasin me fëmijët e tyre dhe jo vetëm t’i paralajmërojnë për rreziqet e aktivitetit seksual, por edhe t’i mësojnë të kenë marrëdhënie seksuale të kënaqshme”, thekson Fu. “Flisni me veten dhe partnerët tuaj” është këshilla e Herbenick. “A e shijoj jetën time seksuale? A i pëlqen partnerit tim? Pyete veten dhe atë!”.