Nisin mosmarrëveshjet e para në BE për anëtarësimin e Ukrainës. Austria qëndrim kunder…

Ukraina thotë se është e zhgënjyer që përpjekjet e saj për t’u bashkuar me Bashkimin Evropian kanë hasur në rezistencë nga Austria.

Ishte ministri i Jashtëm austriak Alexander Schallenberg ai i cili deklaroi se Kievit nuk duhet t’i ofrohet anëtarësimi në bllokun 27-vendësh, por duhet të konsiderohen rrugë alternative për të zhvilluar lidhjet mes BE-së dhe Ukrainës.

Ukraina nga ana tjetër i ka quajtur komentet “strategjikisht dritëshkurtër”.

Kujtojmë se në momentet e para të nisjes së luftës në Ukrainë, BE-ja ishte më e unifikuar për t’i dhënë dritën jeshile Kievit për t’u anëtarësuar me procedurë të shpejtuar në Bashkimin Evropian, por duket se qëndrimet kanë filluar të diversifikohen me kalimin e kohës.