Aktori i njohur diagnostikohet me sëmundjen e rënde, merr vendimin drastik

Aktori i njohur Bruce Willis tërhiqet nga skena. Shkaku?

Motive shëndetësore. Në një shënim që familja ka postuar në Instagram shkruhet se aktori është diagnostikuar me sëmundjen e Afazisë, një çrregullim gjuhësor me origjine cerebrale.

Njerëzit që vuajnë nga afazia mund të kenë probleme me të folurit, të kuptuarit, të lexuarit, të shkruarit, dhe kryerjen e mbledhjeve. Shkaku i afazisë është gjithmonë dëmtimi i trurit.

Aktori ka vetëm pak javë që ka mbushur moshën 67 vjeçare.

“Si familje do të donim të ndanim me fansat tanë të mrekullueshëm faktin që Bruce po përballet me disa a probleme shëndeti. Së fundmi është diagnostikuar me afazi. Për këtë arsye aktori tërhiqet nga karriera që për të do të thotë shumë.

Në këtë moment shumë të vështirë për familjen tonë besojnë në dashurinë tuaj, në mbështetjen dhe dhembshurinë tuaj. Do ta kalojmë si një familje e bashkuar dhe e fortë” shkruhet në mesazh.

Letra është firmosur nga bashkëshortja e Willis, Emma Heming, ish-bashkëshortja e tij Demi Moore dhe 5 fëmijët (Rumer, 33 vjeç; Scout, 30 vjeç; Tallulah, 28 vjeç; Mabel, 9 vjeç dhe Evelyn, 7 vjeç). Deklarata mbyllet me një thënie të aktorit: “Shijo momentin”. Këtë do e bëjmë së bashku”.