Stil dhe Jete

E veçantë ,Njihuni me djalin qe u be miliarder duke investuar ne kriptovaluta, synon ta dhurojë pothuajse të gjithë pasurinë e tij për bamirësi…

 

Sam Bankman Fried është një lloj biznesmeni dhe investitori shumë i veçantë. Ai është bërë miliarder duke investuar në kriptovaluta, por thotë se synon ta dhurojë pothuajse të gjithë pasurinë e tij për bamirësi, duke mbajtur vetëm një shumë çdo vit për vete, në mënyrë që të mund të jetojë.

Sam Bankman Fried vlerësohet të ketë një pasuri prej më shumë se 20 miliardë dollarë, por preferon të drejtojë një makinë të zakonshme, një Toyota Corolla, të bëjë një jetë minimaliste si student dhe ka një tendencë të fortë altruiste, raporton noa.al duke cituar revistën “The Federal”.

Ai flet për “altruizëm efektiv”, një teori që e ka hasur për herë të parë rreth 10 vjet më parë. “Filozofia përdor llogaritjet matematikore për të përcaktuar se si njerëzit mund të bëjnë më të mirën me paratë dhe kohën e tyre,” tha ai.

Kështu që kur filloi të tregtonte me kriptovaluta si Bitcoin, ai vendosi që do të bënte shumë para për t’ua dhënë njerëzve në nevojë.

Revista Forbes e ka vlerësuar pasurinë e investitorit 30-vjeçar në 26.5 miliardë dollarë, në sajë të FTX Trading Limited, një nga shkëmbimet më të mëdha të kriptomonedhave në botë, ku përdoruesit mund të tregtojnë lehtësisht kriptovaluta të ndryshme si Bitcoin dhe Ethereum.

I riu lindi në Stanford, Kaliforni, në mars të vitit 1992. Prindërit e tij ishin profesorë drejtësie në universitet dhe që në moshë të re ai ishte i interesuar për altruizmin, një filozofi që vlerëson se veprimi më i mirë është ai që prodhon lumturinë më të madhe në numrin më të madh të njerëzve.

Ai studioi fizikë dhe matematikë në Institutin e Teknologjisë në Massachusetts, MIT, ku u diplomua në vitin 2014. Filloi të investonte në kriptovaluta dhe në 2017 themeloi Alameda Research, kompaninë e tij të parë.

Brenda pak muajsh nga themelimi i Alameda Research, ai po blinte dhe shiste bitcoin shumë të vlefshëm çdo ditë. Në prill 2019 themeloi FTX, një kompani që aktualisht trajton më shumë se 15 miliardë dollarë çdo ditë dhe e ka ndihmuar atë të bëjë pasuri të mëdha në një kohë shumë të shkurtër.

Kompania u rrit me shpejtësi falë investimit të kapitalit nga kompani të ndryshme të kapitalit sipërmarrës, si SoftBank dhe Pantera Capital, sipas revistës “Enterpreneur”.

Kur u pyet se sa pasuri do të donte të mbante për vete, Sam Bankman Fried tha se nuk donte që ajo të kalonte 1% të fitimeve të tij çdo vit – për shembull, në rreth 100,000 dollarë.

Miqtë e tij e përshkruajnë si një lloj kapitalisti murg. Aktualisht jeton në Nassau, Bahamas. FTX planifikon të ndërtojë një ndërtesë që do të strehojë 1000 punonjës, e tëra me pamje nga oqeani. Kompania aktualisht është e vendosur në një ndërtesë njëkatëshe me çati të kuqe pranë aeroportit. Zyrat mbajnë ende etiketa me emra të shkruar në letër, a thua se rreth 60 personat që punojnë atje nuk kanë ende kohë për t’i ndryshuar.

Ai buzëqesh ndërsa paraqet një tabelë që tregon se FTX po rritet më shpejt se konkurrentët e saj më të mëdhenj, si Binance. Tregu është i madh. FTX është shkëmbimi numër 3 i kriptomonedhave në vëllim, por ai trajton transaksione deri në 15 miliardë dollarë në ditë. Në vend të aksioneve të Microsoft Corp., përdoruesit blejnë dhe shesin Bitcoin, Ether, Dogecoin dhe qindra kriptovaluta të tjera.

Related Articles

Leave a Reply

Your email address will not be published.

Back to top button